Indian Matrimony; ಆಯಪ್ ಸ್ಟೋರ್ ನಿಂದ ಮ್ಯಾಟ್ರಿಮೊನಿ ಆಯಪ್ ಗಳನ್ನು ಅಳಿಸಿದ ಗೂಗಲ್
ಹೊಸದಿಲ್ಲಿ: ಗೂಗಲ್ ಆಯಪ್ ಸ್ಟೋರ್ ನಲ್ಲಿ ಖ್ಯಾತ ಮ್ಯಾಟ್ರಿಮೊನಿ ಆಯಪ್ ಗಳು ಇನ್ನು ಸಿಗುವುದಿಲ್ಲ. ಶುಕ್ರವಾರ ಗೂಗಲ್ ಸಂಸ್ಥೆಯು ಭಾರತ್ ಮ್ಯಾಟ್ರಿಮೊನಿ ಸೇರಿ ಒಟ್ಟು ಹತ್ತು ಭಾರತೀಯ ಕಂಪನಿಗಳ ಆಯಪ್ ಗಳನ್ನು ಅಳಿಸಿಹಾಕಿದೆ. ಸೇವಾ ಶುಲ್ಕ ಪಾವತಿಯ ವಿವಾದದಲ್ಲಿ ಈ ನಡೆ ಬಂದಿದೆ.
ದೇಶದ ಆಂಟಿಟ್ರಸ್ಟ್ ಅಧಿಕಾರಿಗಳು 15% ರಿಂದ 30% ಶುಲ್ಕ ವಿಧಿಸುವ ಹಿಂದಿನ ವ್ಯವಸ್ಥೆಯನ್ನು ಕೆಡವಲು ಆದೇಶಿಸಿದ ನಂತರ, ಅಪ್ಲಿಕೇಶನ್‌ ನಲ್ಲಿನ ಪಾವತಿಗಳ ಮೇಲೆ 11% ರಿಂದ 26% ರಷ್ಟು ಶುಲ್ಕವನ್ನು ವಿಧಿಸುವುದನ್ನು ತಡೆಯಲು ಕೆಲವು ಭಾರತೀಯ ಸ್ಟಾರ್ಟ್‌ ಅಪ್‌ ಗಳ ಪ್ರಯತ್ನಗಳ ಮೇಲೆ ವಿವಾದ ಕೇಂದ್ರೀಕೃತವಾಗಿದೆ.
ಆದರೆ ಗೂಗಲ್ ಶುಲ್ಕ ವಿಧಿಸಲು ಅಥವಾ ಅಪ್ಲಿಕೇಶನ್‌ ಗಳನ್ನು ತೆಗೆದುಹಾಕಲು ಜನವರಿ ಮತ್ತು ಫೆಬ್ರುವರಿಯಲ್ಲಿ ಎರಡು ನ್ಯಾಯಾಲಯದ ತೀರ್ಪಿನ ನಂತರ ಅನುಮತಿ ಪಡೆದಿದೆ. ಅದು ಸ್ಟಾರ್ಟ್‌ಅಪ್‌ ಗಳಿಗೆ ಯಾವುದೇ ಪರಿಹಾರವನ್ನು ನೀಡುವುದಿಲ್ಲ.
ಮ್ಯಾಟ್ರಿಮೊನಿ ಡಾಟ್ ಕಾಮ್ ನ ಡೇಟಿಂಗ್ ಆಯಪ್ ಗಳಾದ ಭಾರತ್ ಮ್ಯಾಟ್ರಿಮೊನಿ, ಕ್ರಿಶ್ಚಿಯನ್ ಮ್ಯಾಟ್ರಿಮೊನಿ, ಮುಸ್ಲಿಂ ಮ್ಯಾಟ್ರಿಮೊನಿ ಮತ್ತು ಜೋಡಿ ಆಯಪ್ ಗಳು ಶುಕ್ರವಾರ ಡಿಲೀಟ್ ಆಗಿದೆ. ಇಂದು ಭಾರತೀಯ ಇಂಟರ್ನೆಟ್ ನ ಕಪ್ಪು ದಿನ ಎಂದು ಸಂಸ್ಥಾಪಕ ಮುರುಗವೇಲ್ ಜಾನಕಿರಾಮನ್ ಹೇಳಿದ್ದಾರೆ.
